Йәә сиин ( 83 Айәть )

In the Name of Allah, Most Gracious, Most Merciful;

1 . "Шәфкатьле, рәхимле Аллаһ исеме белән... Йәә сиин."

2 . Хикмәтле Коръән белән ант итәм!

3 . "Хакыйкатьтә, син рәсүлләр арасыннан булучы,"

4 . туры юлдагы.

5 . "Гыйззәт иясе, рәхимленең иңдерүе,"

6 . "аталары үгетләнмәгән кавемне үгетләү өчен, һәм алар — гафил булучылар."

7 . "Аларның күбесе өстендә сүз хаклыгына иреште инде, алар исә иман китермиләр."

8 . "Хакыйкатьтә, Без аларның муеннарына богаулар булдырдык, ул аларның иякләре астына кадәр һәм алар башларын артка ташлап йөриләр."

9 . "Без аларның алдына да, артына да киртә булдырдык һәм аларны томалап куйдык, һәм алар күрмиләр."

10 . "Аларга барыбер: син аларны үгетлисеңме, әллә үгетләмисеңме, алар иман китермәячәкләр."

11 . "Син, хакыйкатьтә дә, искә төшерүче Зикергә кем иярсә — шуны һәм яшерендә Шәфкатьледән курыкканны үгетләрсең. Аңа ярлыкау һәм муллыклы әҗер турында шатлык хәбәрен бир!"

12 . "Хакыйкатьтә, Без үлекләрне терелтәбез. Һәм аларның элек әзерләп куйганнарын һәм эзләрен язып барабыз, һәм һәрнәрсәне Без ачык китапта санга салып куйдык."

13 . Син аларга шәһәр кешеләрен мисал итеп китереп куй! Менә аларга рәсүлләр килде.

14 . "Менә Без аларга икәүне җибәрдек һәм боларны алар ялганчыга чыгардылар, һәм Без өченче кеше белән көч бирдек, һәм алар: «Без, хакыйкатьтә, сезгә рәсүлләр бит!» — диделәр."

15 . "Тегеләр: «Сез безнең кебек үк кешеләр буларак беркем дә түгел һәм Шәфкатьле бернәрсә дә иңдермәде, сез алдыйсыз гына!» — диделәр."

16 . "Алар әйтте: «Безнең сезгә, хакыйкатьтә, рәсүл икәнлегебезне Раббыбыз белә"

17 . һәм безнең өстебездә ачык җиткерү генә бит».

18 . "Болар: «Без сезне белер өчен кошлар очуын карадык, әгәр сез тыелмасагыз без сезгә таш белән атарбыз һәм бездән сезгә үзәк өзгеч газап кагылыр», — диделәр."

19 . "Алар: «Кошыгыз үзегез белән, әллә исегезгә төшергәнгәме... Әйе, сез исраф кылучы кавем!» — дип әйттеләр."

20 . "Һәм шәһәрнең кырыеннан ашыгып бер кеше килде, ул әйтте: «Ий, кавемем, рәсүлләргә иярегез!»"

21 . Сездән әҗер сорамаучыларга иярегезче. Һәм алар — туры юлда торучылар!

22 . Ни өчен миңа үземне барлыкка китерүчегә һәм Аңа сез кире кайтачакка гыйбадәт кылмаска ди?

23 . "Мин үземә Аннан башка иләһләр алырмынмыни? Әгәр Шәфкатьле миңа зарар китерергә теләсә, аларның шәфәгате миңа һич бернәрсә бирмәс һәм алар мине коткара алмас."

24 . "Ул чакта мин, хакыйкатьтә, ачык адашуда булыр идем."

25 . "Мин сезнең Раббыгызга иман китереп инандым, тыңлагыз мине»."

26 . "Аңа: «Кер оҗмахка!» — дип әйтелде. Ул әйтте: «Аһ, әгәр минем кавемем белсә иде"

27 . нәрсә өчен Раббым мине гафу итеп үземне хөр мәтлеләр арасыннан булдырганны!»

28 . "Һәм Без аннан соң аның кавеменә күктән һич бер гаскәр җибәрмәдек, һәм без җибәрә торганнардан да булмадык!"

29 . Бер каты үкерү тавышы гына булды һәм менә алар тынып сүнделәр.

30 . "Ий, хәсрәт колларга! Рәсүл килде исә, алар аны мыскыл итеп көлделәр генә."

31 . Аларга кадәр күпме буыннарны Без һәлак иткәнебезне күрмәделәрмени әле? Һәм дә ул кешеләрнең болар янына кайта алмаячакларын?

32 . "Һәм, әлбәттә, алар барысы да Безнең каршыбызда җыелып куелырлар."

33 . "Һәм аларга аять буларак — үле җир. Без аны терелттек һәм аннан игеннәр чыгардык, һәм сез алар-дан ашыйсыз!"

34 . Һәм Без ул җирдә хөрмә һәм йөзем бакчалары

35 . Алар ул бакчаларның җимешләрен ашасын өчен һәм куллары кылган нәрсәләрне дә. Шөкрана булмаслармыни алар?

36 . "Җир үстергән нәрсәләрдән дә һәм аларның үзләрен дә, һәм алар белмәгәннәрдән дә һәркайсы сын ишләп барлыкка китерүчегә дан!"

37 . "Һәм аларга аять — төндер. Без аннан көнне аерып алабыз, һәм менә алар караңгылыкта."

38 . Кояш исә үзе өчен билгеләнгән урынга кадәр агылып бара. Бу — гыйззәт иясе һәм белүченең тәкъдиредер!

39 . "Һәм айны да Без, ул хөрмә агачының кипкән ботагы кебек булганчыга кадәр, тукталышларын билгеләп чыктык."

40 . Кояшка айны куып йөрергә тиешле түгел һәм төн көнне узарга тиешле түгел. Алар һәркайсысы күк буйлап йөзә.

41 . "Һәм аларга аять — Без аларның, хакыйкатьтә, нәсел-нәсәпләрен төялгән көймәдә йөрткәнбез."

42 . Һәм Без аларга шуның мисалында утырып йөри торганны барлыкка китердек.

43 . "Инде Без теләсәк, аларны суга гаркъ итәрбез. Аларга ярдәмче дә юк, алар коткарылмас та,"

44 . Безнең рәхмәтләребездән һәм вакытлыча файдаланудан гына булса.

45 . "Менә аларга: «Үзегезнең алдыгызда булганнан һәм үзегездән соң булачактан куркыгыз, ихтимал, сез мәрхәмәткә ирешерсез!» — дип әйтелсә..."

46 . Раббыларының аятьләреннән нинди генә аять килсә дә алар йөз бордылар.

47 . "Аларга: «Сезгә Аллаһ биргән ризыктан сарыф итегез!» — дип әйтелсә, кәфер булучылар иман китереп инанучыларга: «Нәрсә өчен без аларны ашатыйк, Аллаһ теләсә, аларны Үзе дә туйдырыр иде. Сез ачык адашуда бит», — диделәр."

48 . "Һәм алар: «Әгәр сез дөрес сөйли торган булсагыз, бу вәгъдә кайчан була соң?» — диләр."

49 . Алар талашып торган чакта үзләренә тиячәк каты үкерү тавышыннан башка бернәрсә дә сизмәсләр.

50 . Алар васыятьләрен дә әйтә алмас һәм әһелләре янына кире кайта да алмаслар.

51 . Сур өрелер һәм менә алар каберләреннән чыгып Раббыларына агылырлар.

52 . Алар: «Кайгы безгә! Безне яткан урыныбыздан кем терелтеп чыгарды? Бу — Шәфкатьленең вәгъдә иткәне бит һәм рәсүлләр дөресен әйткәннәр икән!» — диделәр.

53 . Бер каты тавыш кына булды һәм менә алар барысы да Бездә хазир булып торалар.

54 . Һәм бүген бер җан иясе дә бернәрсә белән дә җәберләнмәс һәм кылганнарыгызга карап кына җәзагыз да бирелер.

55 . "Оҗмахта булучылар бүген, хакыйкатьтә, шөгыльләрендә рәхәтләнәләр."

56 . "Үзләре һәм аларның хатыннары күләгәдә, сәкеләрдә кырын яталар."

57 . Алар өчен анда җиләк-җимеш һәм сораган нәрсәләре.

58 . Рәхимле Раббыларыннан аларга: «Сәлам!» сүзедер.

59 . "«Ий, сез, гөнаһкәрләр! Бүген сез аерылыгыз!"

60 . "Ий, адәм балалары! Мин сезгә шайтанга гыйбадәт кылмагыз дип гәһед итмәгән идеммени? Ул сезнең ачык дошманыгыз бит!"

61 . Һәм Миңа гыйбадәт кылыгыз дип. Бу — туры юл бит.

62 . Һәм ул сезнең арагыздан күп халыкларны юлдан яздырды. Әллә сез гакыл йөртеп карамадыгызмы?

63 . Бу — сезгә вәгъдә ителгән җәһәннәм!

64 . Кәферлек кылганыгыз өчен бүген шунда яныгыз! »

65 . "Бүген Без аларның авызларына мөһер салдык. Безнең белән аларның куллары сөйләшер, аяклары кәсеп иткәннәренә шаһитлык күрсәтерләр."

66 . "Әгәр Без теләсәк, аларның күзләрен каплар идек. Алар ярышып юлда булдылар инде, ләкин ничек күрсеннәр алар?"

67 . "Әгәр Без теләсәк, аларны урыннарында башка нәрсәгә әйләндерер идек, һәм алар алга да үтә алмаслар иде, кире кайта да алмаслар иде!"

68 . "Кемгә Без озын гомер бирәбез, аның кыяфәтен дә зәгыйфьләндерәбез бит. Алар гакыл йөртеп карамыйлармыни?"

69 . "Һәм Без аңа шигырь дә өйрәтмәдек, һәм бу аңа килешми дә. Бу — фәкать искә төшерү һәм ачык Коръән."

70 . Тере булучыны үгетләр өчен һәм кәферләр өстендә сүз хак булсын өчен.

71 . "Әллә күрмәделәрме, Без Үз кодрәтебез белән юктан бар булдырган нәрсәләрдән аларга мал-туарларны бар иттек һәм алар аңа хуҗадыр."

72 . "Без боларны аларга буйсындырдык: кайсыларына атланып йөриләр, араларыннан алар ашардае да бар."

73 . Аларда кешеләргә файда һәм эчемлек бар. Шөкрана булмаслармыни алар?

74 . "Һәм алар, үзләренә, шаять, ярдәм булыр дип, Аллаһтан башка иләһләрне алдылар."

75 . "Ярдәм итә алмыйлар аларга, һәм алар боларга әзер куелган гаскәр булырлар!"

76 . "Аларның сүзләре сине борчымасын! Без, хакыйкатьтә, аларның нәрсә яшергәннәрен дә һәм нәрсәне ачык кылганнарын да беләбез."

77 . Әллә кеше Безнең аны тамчыдан бар иткәнебезне күрмәдеме? Һәм менә ул ачык дошманлаша!

78 . Һәм Безгә ул мисал китерә һәм үзенең барлыкка килгәнен оныта! Ул: «Тетелеп беткән сөякләрне кем терелтсен инде?» — ди.

79 . "Әйт: «Аларны беренче тапкыр кем булдырган булса, шул терелтер! Ул барлыкка китерелгән һәрнәрсәне белүче!»"

80 . "Ул шулдыр ки, кем сезгә яшел агачтан ут ясады һәм сез шуннан кабызасыз!"

81 . "Күкләрне һәм җирне барлыкка китерүче шундыйларны ук яратырга кодрәтсезме әллә? Әйе, Ул — яратучы, белүче!"

82 . "Хаклыкта, ул теләгән әйбер булса, Аның әмере: «Бул!» — дип аңа әйтә һәм ул була."

83 . Бөтен нәрсәләр өстеннән падишаһлык кулында булучыга дан! Һәм сез Аңа кире кайтарылачаксыз!

 

 

 

In this page you can listen Йәә сиин in English, Йәә сиин and read and download Йәә сиин in English veya yükleyebilirsiniz. You can download Йәә сиин translation, get information on the interpretations of Quranic verses, download all translations of surah in pdf format. You can listen to the audio of Йәә сиин in English or read and download. You can also share English Quranic verses on Facebook and Twitter and other social media with share buttons.

 

Көръән-Кәрим

The Holy Qur'an

Surah Translations

1 . әл-Фәтихә 2 . әл-Бакара (сыер) 3 . Әәл Гыймран (Гыймран гаиләсе) 4 . ән-Нисәә (хатын-кызлар) 5 . әл-Маидә (аш табыны) 6 . әл-Әнъгам (мал-туар) 7 . әл-Әгьраф (киртәләр) 8 . әл-Әнфәәл (табышлар) 9 . әт-Тәүбә (тәүбә) 10 . Йунус 11 . Һуд 12 . Йусуф 13 . әр-Рәгьд (күк күкрәү) 14 . Ибраһим 15 . әл-Хиҗер 16 . ән-Нәхел (бал кортлары) 17 . әл-Исра (төнге күчерү) яки бәни Исраил (Исраил угыллары) 18 . әл-Кәһеф (тау куышлыгы) 19 . Мәрйәм 20 . Та һә 21 . әл-Әмбийә (пәйгамбәрләр) 22 . әл-Хәҗҗ (хаҗ) 23 . әл-Мүъминүн (иман китереп инанучылар) 24 . ән-Нур (нур) 25 . әл-Фуркан (аергыч) 26 . әш-Шүъара (шагыйрьләр) 27 . ән-Нәмел (кырмыскалар) 28 . әл-Касас (хикәя) 29 . әд-Гъәнкәбүш (үрмәкүч) 30 . әр-Рум (румлылар) 31 . Лукман 32 . әс-Сәҗдә (сәҗдә) 33 . әл-Әхзәб (аерым төркемнәр) 34 . Сәбәә 35 . әл-Фәтыр (барлыкка китерүче) 36 . Йәә сиин 37 . әс-Саффат (сафларга төзелеп торучылар) 38 . Садъ 39 . әз-Зүмәр (төркемнәр) 40 . әл-Гафир (ярлыкаучы) 41 . әл-Фуссыләт (тәфсилләп аңлатылды) 42 . әш-Шүрә (киңәш) 43 . әз-Зухруф (бизәнүчеләр) 44 . әд-Духан (төтен) 45 . әл-Җәсийә (тезләнеп торган) 46 . әл-Әхкаф (комнар) 47 . Мухәммәт 48 . әл-Фәтех (җиңү) 49 . әл-Хуҗурат (бүлмәләр) 50 . Каф 51 . әз-Зәрийәт (таратучылар) 52 . әт-Тур (тау) 53 . ән-Нәҗем (йолдыз) 54 . әл-Камәр (ай) 55 . әр-Рәхман (һәркемгә бу дөньяда шәфкатъле булучы) 56 . әл-Уакыйгъа (котылгысыз вакыйга) 57 . әл-Хәдид (тимер) 58 . әл-Муҗәдилә (сүз көрәштерү) 59 . әл-Хәҗер (җыелыш) 60 . әл-Мумтәхәна (имтихан бирүче хатын) 61 . әс-Саффъ (сафлар) 62 . әл-Җумугъа (җомга) 63 . әл-Мунафикун (монафикълар) 64 . әт-Тәгабун (бер-береңне алдау) 65 . әт-Тәлакъ (талак кылу) 66 . әт-Тәхрим (хәрам итү) 67 . әл-Мүльк (падишаһлык) 68 . әл-Каләм (каләм) 69 . әл-Хакка (котылгысыз) 70 . әл-Мәгъәриҗ (баскычлар) 71 . Нух 72 . әл-Җинн (җеннәр) 73 . әл-Музәммил (чорналган) 74 . әл-Мудәсир (төрелгән) 75 . әл-Кыйәмә (кыямәт) 76 . әл-Инсән (кеше) 77 . әл-Мүрсәләт (җибәрелә торганнар) 78 . ән-Нәбәә (хәбәр) 79 . ән-Нәзигъат (тартып алучылар) 80 . Гъабәсә (төмсәләнде) 81 . әт-Тәкъүир (каплану) 82 . әл-Инфитар (ярылып китү) 83 . әл-Мутаффифин (алдап үлчәүчеләр) 84 . әл-Иншикакъ (ярылып китү) 85 . әл-Буруҗь (йолдызлыклар) 86 . әт-Тарекъ (төнлә баручы) 87 . әл-Әгълә (иң бөек) 88 . әл-Гашиййә (каплаучы) 89 . әл-Фәҗер (таң) 90 . әл-Бәләд (шәһәр) 91 . әш-Шәмес (кояш) 92 . әл-Ләйел (төн) 93 . әд-Духә (иртә) 94 . әл-Инширах (ярып ачу) 95 . әт-Тин (инҗир агачы) 96 . әл-Гъаләкъ (укмашкан кан тамчысы) 97 . әл-Кадер (тәкъдирләү) 98 . әл-Бшййинә (аңлаешлы билге) 99 . әз-Зәлзәлә 100 . әл-Гъадийәт (чабып баручылар) 101 . әл-Каригъа (кырып бетерүче) 102 . әт-Тәкәсүр (байлык арттыруда ярышу) 103 . әл-Гъаср (икендк вакыты) 104 . әл-Һүмәзә (яла ягучы) 105 . әл-Фил (фил) 106 . әл-Күрәйеш (корәешләр) 107 . әл-Мәгъун (хәер-садәка) 108 . әл-Кәүсәр (муллык) 109 . әл-Кәфирун (кәферләр) 110 . ән-Нәсър (ярдәм) 111 . әл-Мәсәд (хөрмә агачының сүсе) 112 . әл-Ихълас (ихласлык) 113 . әл-Фәлакъ (таң ату) 114 . ән-Нәс (кешеләр)
Танытымнар| Бу ситә хакында | Ана сәхифә ит | Сезгә ошаганнарга кушыгыз | RSS Feed
Бу ситәнең барлык эчтәлеге, ситәне белдерү шарты үтәлгәнендә, түләүсез рәвештә копийәләнә һәм таратыла ала
(c) All publication rights of the personal photos of Mr. Adnan Oktar that are present in our website and in all other Harun Yahya works belong to Global Publication Ltd. Co. They cannot be used or published without prior consent even if used partially.
© 1994 Harun Yahya. www.harunyahya.com
page_top