әл-Әхкаф (комнар) ( 35 Айәть )

In the Name of Allah, Most Gracious, Most Merciful;

1 . "Шәфкатьле, рәхимле Аллаһ исеме белән... Хә мим."

2 . "Гыйззәт, хикмәт иясе Аллаһтан китап индерү."

3 . "Без күкләрне һәм җирне, һәм алар арасындагы нәрсәләрне хаклык белән генә, һәм билгеле әҗәлгә кадәр барлыкка китереп яраттык. Кәфер булучылар исә... алар искәртелгән нәрсәдән борылып куялар."

4 . "«Аллаһтан башка ялварган нәрсәгезне күрдегезме сез? Аларның җирдән нәрсәне барлыкка китергәннәрен күрсәтегез миңа. Әллә аларның күкләрдә катнашы бармы? Моннан элеккеге китапны миңа китереп бирегез яки бертөрле белем эзен ...әгәр сез рас сөйли торган булсагыз», — дип әйт."

5 . "Аллаһтан башка, кыямәт көненә кадәр җавап бирми торган һәм аларның догаларыннан гафил булган нәрсәләргә дога кылучыдан да кем адашканрак булыр икән?"

6 . "Кешеләр җыелгач, аларга дошман булырлар һәм аларның гыйбадәт кылуларын кире кагарлар."

7 . "Әгәр Безнең аятьләребез аларга ачык аңлаешлы итеп укылып барса, үзләренә хаклык килгәч тә аңа карата кәфер булучылар: «Бу — ачыктан-ачык сихер», — дип әйтәләр."

8 . "Яки алар: «Ул аны уйлап чыгарды», — дип әйтерләр. Әйт: «Әгәр мин аны уйлап чыгарган булсам, Аллаһтан миңа булганның өстендә сезнең көчегез булмас! Ул сезнең нәрсә турында сүз куертканыгызны яхшырак белүче. Минем белән сезнең арагыздан Аның шаһит булуы җитә төшкән! Һәм Ул — кичерүче, рәхимле!»"

9 . "«Мин рәсүлләр арасында башлап җибәрүче булмадым, һәм үзем белән дә, сезнең белән дә нәрсә эшләнәчәген дә белмим. Мин үземә вәхи ителгән нәрсәгә генә иярәм һәм мин үгетләүчедән башка беркем дә түгел!» — дип әйт."

10 . "«Күрдегезме соң сез, әгәр ул Аллаһтан булса икән ... сез аңа ышанмадыгыз, һәм Исраил угылларыннан бер шаһит аның шикелле шаһитлык кылды, һәм иман китерде, сез исә тәкәбберләндегез», — дип әйт. Хакыйкатьтә, Аллаһ залимнәр кавемен туры юлга алып бармый!"

11 . "Һәм кәфер булучылар иман китереп инанучыларга: «Әгәр ул хәерле булса, аңа җитүдә бездән узмаслар иде», — диләр. Һәм алар, аның белән юл тапмагач: «Бу — иске ялган», — дип әйтәчәкләр."

12 . Һәм аңа кадәр имам һәм рәхмәт буларак — Мусаның китабы. Бу — залимнәрне үгетләү өчен һәм яхшылык кылучыларга сөенеч итеп гарәп телендәге раслаучы китап.

13 . "Хакыйкатьтә, «Безнең Раббыбыз — Аллаһ!» — дип әйтеп, аннан соң туры торучылар — аларга хәвеф тә юк, һәм алар кайгырмаслар да!"

14 . "Болар — җәннәттә торучылар, кылган гамәлләре өчен алар анда мәңге булырлар."

15 . "Без кешегә ата-анасына яхшылыклы булырга васыять иттек, анасы аны авырлык белән күтәреп йөри һәм авырлык белән тудыра. Аны йөртү һәм имчәктән аеру — утыз айда. Хәтта ул балигъ булгач, һәм кырык яшенә җиткәч, ул: «Раббым, миңа минем ата-анама Синең күрсәткән нигъмәтең өчен шөкер итүне, һәм Син аның белән разый булган игелек кылуны күңелемә сал, һәм үзем өчен минем нәселемне төзек ит. Мин Сиңа тәүбә илә кайттым, һәм мин, хакыйкатьтә, бирелүчеләрдән», — дип әйт."

16 . "Кылган гамәлләренең яхшырагын Без кабул иткәч һәм Без аларның яманлыкларын кичергәч — алар, вәгъдә ителгән раслык буенча, җәннәт әһелләре арасында!"

17 . "Һәм ата-анасына: «Төкердем сезгә! Сез миңа терелеп чыгарылуны вәгъдә итәсезмени, миңа кадәрге буыннар да үтеп киттеләр инде!» — дип әйтүче дә бар. Алар ярдәмгә Аллаһны чакыралар: «Үкенеч сиңа! Иман китер! Аллаһның вәгъдәсе хак бит!» Ул: «Бу — әүвәлгеләрнең әкиятләреннән башка бернәрсә дә түгел», — дип әйтә."

18 . "Бу — аларга кадәр җеннәрдән һәм кешеләрдән булган өммәтләргә карата әйтелгән сүз үз өсләрендә расланганнар. Хакыйкатьтә, алар — зарарда калучылар."

19 . "Гамәлләренә карата Ул аларга төгәл түләсен өчен аларның һәрберсенә кылган гамәлләренә күрә — дәрәҗәләр, һәм алар җәберләнмәсләр дә."

20 . Ул көнне кәфер булучылар ут каршысына китерелгәч: «Сез ләззәтләнүләрегезне дөнья тереклегендә алып бетердегез һәм алар белән файдаланыгыз инде. Бүген исә хаксызга җир йөзендә тәкәбберләнгәнегез һәм азганыгыз өчен кимсетелү газабы белән җәзаланачаксыз.

21 . "Һәм Гадьнең туганын искә төшер! Аңа кадәр дә, аннан соң да үгетләүчеләр үтеп киткәннән соң, ул үз кавемен әл-Әхкафтә үгетләде: «Аллаһка гына гыйбадәт кылыгыз, мин сезнең өчен бөек көннең газабыннан куркамын», — диде."

22 . "Алар: «Әллә син безне ялган белән иләһләре бездән түндерергә килдеңме? Әгәр син рас сөйләүчеләрдән булсаң, син безгә вәгъдә иткән нәрсәңне китер», — диделәр."

23 . "Ул: «Хаклыкта, белем Аллаһта, мин исә сезгә нәрсә белән җибәрелгән икән, шуны гына җиткерәм, ләкин мин сезне җәһел булучы кавем дип күрәмен», — диде."

24 . "Аны үзәнлекләренә килә торган болыт дип күргәч, алар: «Бу безгә яңгыр китерә торган болыт», — диделәр. Юк! Ул — сез ашыктырган нәрсә — өермә. Анда — үзәк өзгеч газап!"

25 . Раббысының әмере белән ул һәрнәрсәне һәлак итә. һәм иртәгесен аларның торган урыннарыннан башка бернәрсә дә күренмәс. Менә шулай Без гөнаһкәрләр кавеменә җәза бирәбез.

26 . "Без аларны сезне ныгытмаган нәрсәдә ныгыттык. Без аларга ишетү һәм күрүне, һәм йөрәкләр булдырдык, һәм ишетүләре дә, күрүләре дә, йөрәкләре дә аларны һич бернәрсәдән коткармады, чөнки алар Аллаһның аятьләрен инкарь иттеләр, һәм алар мыскыллап көлгән нәрсә үзләренә төште."

27 . "Без сезнең тирәдәге карьяләрне һәлак иттек һәм аятьләрне тараткаладык. Шаять, алар кирегә кайтырлар."

28 . "Якынаю чарасы булсын дип, Аллаһтан башка иләһләр итеп тоткан нәрсәләре аларга ни өчен ярдәм итмәделәр? Алар болардан югалдылар. Бу аларның алдаулары һәм уйлап чыгарганнары гына."

29 . Менә Без Коръән тыңласыннар дип җеннәрдән берничәсен сиңа җибәрдек. Алар моңа килгәч: «Тын булыгыз!» — диделәр. Тәмамлангач инде үз кавемен үгетләү өчен алар кире кайтып киттеләр.

30 . "Алар: «Ий, кавемебез! Без Мусадан соң иңдерелгән китапны тыңладык, ул аңа кадәр булганның дөреслеген раслый. Ул хаклыкка һәм туры юлга алып бара!» — диделәр."

31 . "«Ий, кавемебез! Аллаһка ялваручыга җавап бирегез һәм Аңа иман китереп инаныгыз. Ул сезнең гөнаһларыгызны кичерер һәм сезне үзәк өзгеч газаптан саклар."

32 . "Кем исә Аллаһка ялваручыга җавап бирмә сә... ул җир йөзендә Аннан котыла алмас, һәм Аннан башка аңа яклаучылар да булмас. Болар — ачык адашуда!»"

33 . "Күкләрне һәм җирне барлыкка китереп яраткан һәм аларны барлыкка китерүдән көчсезләнмәгән Аллаһның үлеләрне терелтергә кодрәте булганны алар күрмәделәрмени? Әйе! Хакыйкатьтә, Ул — һәрнәрсәгә кодрәтле!"

34 . "Ул көнне кәфер булучылар ут каршысына китерелгәч... «Бу хаклык белән түгелме?» Алар: «Әйе! Һәм Раббыбыз белән ант итәбез!» — дип әйтерләр. Ул: «Кәфер булганыгыз өчен газапны татыгыз әле», — дип әйтер."

35 . "Рәсүлләр, какшамас булганнар сабыр иткән шикелле син дә сабыр ит! Һәм алар өчен ашыктырма. Вәгъдә ителгән нәрсәне алар күрәчәк көнне, алар көннең бер сәгатен генә торган кебек булырлар. Җиткерү! Азгыннар кавеменнән башкасы һәлак ителерме?"

 

 

 

In this page you can listen әл-Әхкаф (комнар) in English, әл-Әхкаф (комнар) and read and download әл-Әхкаф (комнар) in English veya yükleyebilirsiniz. You can download әл-Әхкаф (комнар) translation, get information on the interpretations of Quranic verses, download all translations of surah in pdf format. You can listen to the audio of әл-Әхкаф (комнар) in English or read and download. You can also share English Quranic verses on Facebook and Twitter and other social media with share buttons.

 

Көръән-Кәрим

The Holy Qur'an

Surah Translations

1 . әл-Фәтихә 2 . әл-Бакара (сыер) 3 . Әәл Гыймран (Гыймран гаиләсе) 4 . ән-Нисәә (хатын-кызлар) 5 . әл-Маидә (аш табыны) 6 . әл-Әнъгам (мал-туар) 7 . әл-Әгьраф (киртәләр) 8 . әл-Әнфәәл (табышлар) 9 . әт-Тәүбә (тәүбә) 10 . Йунус 11 . Һуд 12 . Йусуф 13 . әр-Рәгьд (күк күкрәү) 14 . Ибраһим 15 . әл-Хиҗер 16 . ән-Нәхел (бал кортлары) 17 . әл-Исра (төнге күчерү) яки бәни Исраил (Исраил угыллары) 18 . әл-Кәһеф (тау куышлыгы) 19 . Мәрйәм 20 . Та һә 21 . әл-Әмбийә (пәйгамбәрләр) 22 . әл-Хәҗҗ (хаҗ) 23 . әл-Мүъминүн (иман китереп инанучылар) 24 . ән-Нур (нур) 25 . әл-Фуркан (аергыч) 26 . әш-Шүъара (шагыйрьләр) 27 . ән-Нәмел (кырмыскалар) 28 . әл-Касас (хикәя) 29 . әд-Гъәнкәбүш (үрмәкүч) 30 . әр-Рум (румлылар) 31 . Лукман 32 . әс-Сәҗдә (сәҗдә) 33 . әл-Әхзәб (аерым төркемнәр) 34 . Сәбәә 35 . әл-Фәтыр (барлыкка китерүче) 36 . Йәә сиин 37 . әс-Саффат (сафларга төзелеп торучылар) 38 . Садъ 39 . әз-Зүмәр (төркемнәр) 40 . әл-Гафир (ярлыкаучы) 41 . әл-Фуссыләт (тәфсилләп аңлатылды) 42 . әш-Шүрә (киңәш) 43 . әз-Зухруф (бизәнүчеләр) 44 . әд-Духан (төтен) 45 . әл-Җәсийә (тезләнеп торган) 46 . әл-Әхкаф (комнар) 47 . Мухәммәт 48 . әл-Фәтех (җиңү) 49 . әл-Хуҗурат (бүлмәләр) 50 . Каф 51 . әз-Зәрийәт (таратучылар) 52 . әт-Тур (тау) 53 . ән-Нәҗем (йолдыз) 54 . әл-Камәр (ай) 55 . әр-Рәхман (һәркемгә бу дөньяда шәфкатъле булучы) 56 . әл-Уакыйгъа (котылгысыз вакыйга) 57 . әл-Хәдид (тимер) 58 . әл-Муҗәдилә (сүз көрәштерү) 59 . әл-Хәҗер (җыелыш) 60 . әл-Мумтәхәна (имтихан бирүче хатын) 61 . әс-Саффъ (сафлар) 62 . әл-Җумугъа (җомга) 63 . әл-Мунафикун (монафикълар) 64 . әт-Тәгабун (бер-береңне алдау) 65 . әт-Тәлакъ (талак кылу) 66 . әт-Тәхрим (хәрам итү) 67 . әл-Мүльк (падишаһлык) 68 . әл-Каләм (каләм) 69 . әл-Хакка (котылгысыз) 70 . әл-Мәгъәриҗ (баскычлар) 71 . Нух 72 . әл-Җинн (җеннәр) 73 . әл-Музәммил (чорналган) 74 . әл-Мудәсир (төрелгән) 75 . әл-Кыйәмә (кыямәт) 76 . әл-Инсән (кеше) 77 . әл-Мүрсәләт (җибәрелә торганнар) 78 . ән-Нәбәә (хәбәр) 79 . ән-Нәзигъат (тартып алучылар) 80 . Гъабәсә (төмсәләнде) 81 . әт-Тәкъүир (каплану) 82 . әл-Инфитар (ярылып китү) 83 . әл-Мутаффифин (алдап үлчәүчеләр) 84 . әл-Иншикакъ (ярылып китү) 85 . әл-Буруҗь (йолдызлыклар) 86 . әт-Тарекъ (төнлә баручы) 87 . әл-Әгълә (иң бөек) 88 . әл-Гашиййә (каплаучы) 89 . әл-Фәҗер (таң) 90 . әл-Бәләд (шәһәр) 91 . әш-Шәмес (кояш) 92 . әл-Ләйел (төн) 93 . әд-Духә (иртә) 94 . әл-Инширах (ярып ачу) 95 . әт-Тин (инҗир агачы) 96 . әл-Гъаләкъ (укмашкан кан тамчысы) 97 . әл-Кадер (тәкъдирләү) 98 . әл-Бшййинә (аңлаешлы билге) 99 . әз-Зәлзәлә 100 . әл-Гъадийәт (чабып баручылар) 101 . әл-Каригъа (кырып бетерүче) 102 . әт-Тәкәсүр (байлык арттыруда ярышу) 103 . әл-Гъаср (икендк вакыты) 104 . әл-Һүмәзә (яла ягучы) 105 . әл-Фил (фил) 106 . әл-Күрәйеш (корәешләр) 107 . әл-Мәгъун (хәер-садәка) 108 . әл-Кәүсәр (муллык) 109 . әл-Кәфирун (кәферләр) 110 . ән-Нәсър (ярдәм) 111 . әл-Мәсәд (хөрмә агачының сүсе) 112 . әл-Ихълас (ихласлык) 113 . әл-Фәлакъ (таң ату) 114 . ән-Нәс (кешеләр)
Танытымнар| Бу ситә хакында | Ана сәхифә ит | Сезгә ошаганнарга кушыгыз | RSS Feed
Бу ситәнең барлык эчтәлеге, ситәне белдерү шарты үтәлгәнендә, түләүсез рәвештә копийәләнә һәм таратыла ала
(c) All publication rights of the personal photos of Mr. Adnan Oktar that are present in our website and in all other Harun Yahya works belong to Global Publication Ltd. Co. They cannot be used or published without prior consent even if used partially.
© 1994 Harun Yahya. www.harunyahya.com
page_top